Մյունխենում կայացած եռակողմ քննարկման ընթացքում ԱՄՆ պետքարտուղարն ընդգծել է Լաչինի միջանցքով ազատ և բաց առևտրային ու մասնավոր անցման ապահովման անհրաժեշտությունը։
Նա նաև կոչ է արել կողմերին բացել տրանսպորտային հաղորդակցության մյուս ուղիները։
Այս մասին հայտնել է ԱՄՆ պետդեպի խոսնակ Նեդ Փրայսը:
Նրա խոսքով՝ Էնթոնի Բլինքենն ի գիտություն է ընդունել այն զգալի առաջընթացը, որը երկու կողմերը հասել են վերջին մի քանի ամիսների ընթացքում խաղաղության համաձայնագրի ուղղությամբ և ԵՄ նախագահ Շառլ Միշելի առաջարկը՝ կողմերին հյուրընկալել Բրյուսելում։
