ԵՄ խորհուրդը հավանություն է տվել Ռուսաստանի Դաշնության դեմ պատժամիջոցների երկարաձգմանը մինչև 2024 թվականի փետրվարի 24-ը, ասվում է Եվրամիության պաշտոնական ամսագրում հրապարակված փաստաթղթում։
«Հիմք ընդունելով որոշման վերանայումը և հաշվի առնելով Ուկրաինայի դեմ Ռուսաստանի Դաշնության շարունակվող անօրինական գործողությունները, սահմանափակող միջոցառումները պետք է երկարացվեն մինչև 2024 թվականի փետրվարի 24-ը»,- ասվում է փաստաթղթում։
Անցյալ տարվա փետրվարի վերջից ԵՄ-ն հաստատել է Ռուսաստանի դեմ պատժամիջոցների ինը փաթեթ, որոնք ներառում են ֆինանսական, առևտրային սահմանափակումներ, ինչպես նաև անհատական պատժամիջոցներ։ Ներկայում Ռուսաստանի դեմ ԵՄ-ի անձնական պատժամիջոցները տարածվում են 1386 ֆիզիկական անձանց և 171 կազմակերպությունների վրա։
