ՀՀ արտաքին գործերի նախարար Արարատ Միրզոյանի հետ այսօր ՀՀ ԱԳՆ-ում համատեղ ասուլիսի ժամանակ Լյուքսեմբուրգի արտաքին գործերի նախարար Ժան Ասելբորնը հայտարարել է, որ ոչ ոք իրավունք չունի շրջափակել Լաչինի միջանցքը:
«Անկեղծ ասած, ես կարծում եմ, որ աշխարհում կա մեծ ուժ, որը պետք է ցույց տա, որ ոչ միայն խաղաղապահներն են Լաչինի միջանցքում ներկա, այլ նաև իրենք պետք է գործեն:
Մենք, որպես ԵՄ, փորձում ենք դերակատարում ունենալ այն մակարդակով, որ կարող ենք»,-նշել է Լյուքսեմբուրգի ԱԳ նախարարը:
Նրա խոսքով, կարող են կոչ անել Ռուսաստանին կենտրոնանալ տեղի ունեցողի վրա, ավելի քան 100 հազար մարդ մեկուսացած է ԼՂ-ում: Տ
արեցները, երեխաները չեն կարողանում վերադառնալ իրենց տներ, և դա անընդունելի է այս դարում:
«Միջազգային իրավունքի համաձայն՝ դա հայերի հայրենիքն է, և ոչ ոք իրավունք չունի արգելափակել Լաչինի միջանցքը: Եվ ես հույս ունեմ, որ նրանք, ովքեր միջամտելու միջոցներ ունեն, դա կանեն հնարավորինս արդյունավետ»,- ասել է նախարարը:
18:07
Ապրիլ 29, 2026
