«Ինտերի» գլխավոր մարզիչ Սիմոնե Ինձագին ասել է, որ իր թիմն ունակ է այս մրցաշրջանում հաղթել Չեմպիոնների լիգայում։
«Մենք պետք է գնանք այս ճանապարհով։ Անցած մրցաշրջանում մենք շատ լավ խաղացինք երկու թիմերի հետ, որոնք հետո հասան եզրափակիչ («Լիվերպուլ» և «Ռեալ»): Այս մրցաշրջանում մենք հանդիպեցինք Մյունխենի «Բավարիայի» և «Բարսելոնայի» հետ։ Կարո՞ղ ենք հաղթել Չեմպիոնների լիգան: Այո»,- Ինձագիի խոսքերն է մեջբերել Football Italia-ն։
«Ինտերը» Չեմպիոնների լիգայի փլեյ-օֆֆ փուլի ուղեգիր նվաճեց՝ «Բավարիայի», «Բարսելոնայի» և «Վիկտորիա Պիլսենի» հետ խմբում զբաղեցնելով երկրորդ տեղը: Մրցաշարի 1/8 եզրափակիչում միլանցիները կհանդիպեն պորտուգալական «Պորտուի» հետ։ Առաջին հանդիպումը կանցկացվի այսօր՝ փետրվարի 22-ին։ Խաղը կմեկնարկի Հայաստանի ժամանակով 23:55-ին:
