Վրաստանն աջակցում է ՄԱԿ-ի Գլխավոր ասամբլեայի (ԳԱ) բանաձևի նախագծին, որը հիմնված է Ուկրաինայի կողմից առաջ քաշված «խաղաղության բանաձևի» վրա։ Այս մասին հայտարարել է Վրաստանի արտաքին գործերի նախարար Իլյա Դարչիաշվիլին՝ ելույթ ունենալով ՄԱԿ-ի Գլխավոր ասամբլեայի Ուկրաինայի հարցով հատուկ նիստում։
«Թույլ տվեք օգտագործել այս հնարավորությունը՝ Վրաստանի զորեղ աջակցությունը հայտնելու մեզ ներկայացված բանաձևի նախագծին, որը ևս մեկ անգամ հստակ ազդանշան է ուղարկում ի պաշտպանություն այս կազմակերպության հիմնական սկզբունքների՝ ինքնիշխանության և տարածքային ամբողջականության սկզբունքների», – ասել է Դարչիաշվիլին։
Նախարարը նաև ընդգծել է, որ Ուկրաինայի ներկայացրած «խաղաղության բանաձևը», որին, ըստ նրա, Վրաստանը աջակցում է, «դուրս է գալիս Ուկրաինայի խաղաղության և տարածքային ամբողջականության վերականգնումից և ավելի համապարփակ նպատակ ունի պաշտպանել երկրի հիմնական արժեքները»։
Ակնկալվում է, որ Ուկրաինայում Ռուսաստանի գործողությունները դատապարտող բանաձևի նախագիծը, ինչպես նաև խաղաղ կարգավորման առաջարկները քվեարկության կդրվեն ՄԱԿ-ի Գլխավոր ասամբլեայում հատուկ ռազմական գործողության մեկնարկի տարեդարձին։ Ավելի վաղ Զելենսկին G20-ի գագաթնաժողովում առաջ էր քաշել 10 կետից բաղկացած «խաղաղության ծրագիր»։
