Ադրբեջանի ԱԳՆ-ն արձագանքել է ՄԱԿ արդարադատության միջազգային դատարանի՝ Լաչինի միջանցքի վերաբերյալ որոշման վերաբերյալ ՀՀ վարչապետ Նիկոլ Փաշինյանի հայտարարություններին։
Ըստ Ադրբեջանի ԱԳՆ-ի՝ միջազգային դատարանն իրենց դեմ չի կայացրել վճիռը և մերժել է Հայաստանի պահանջն այն մասին, որ Լաչինով շարժումն իրականացվի «ազատ», այսինքն՝՝ առանց որևէ վերահսկողության, ինչպես պնդում է Հայաստանը։
«Դատարանի ժամանակավոր խնդրանքը նույնական չէ Հայաստանի խնդրանքին»,- ասված է նրանց հայտարարության մեջ,- «Իր որոշման մեջ դատարանը հաշվի է առել Ադրբեջանի ջանքերը այն հնարավորությունների սահմաններում, որոնք նա ձեռնարկել և կձեռնարկի Լաչինի ճանապարհով երթևեկության անվտանգությունն ապահովելու, ինչպես նաև 2020 թվականի նոյեմբերի 10-ի եռակողմ հայտարարության պայմանները կատարելու համար»։
Ադրբեջանի ԱԳՆ-ն նաև նշել է, թե իրենք հանդես են եկել Լաչինի ճանապարհի սկզբնամասում սահմանային անցակետ տեղադրելու առաջարկով. «Սակայն Հայաստանի կողմից այդ առաջարկից հրաժարվելը վկայում է Լաչինի ճանապարհի օգտագործման թափանցիկության հանդեպ Հայաստանի անշահախնդրության և չարաշահումները շարունակելու մտադրության մասին»,- ասված է նրանց հայտարարության մեջ։
