Թուրքիայի նախագահի խոսնակ, գլխավոր խորհրդական Իբրահիմ Քալընը հայտարարել է, որ Թուրքիան հակված է նախագահական և խորհրդարանական ընտրություններն անցկացնել մայիսի 14-ին, ինչպես նախկինում հայտարարել էր նախագահ Ռեջեփ Թայիփ Էրդողանը՝ չնայած փետրվարի 6-ի ավերիչ հարվածող զանգվածային երկրաշարժերին, որը հանգեցրել է ավելի քան 43,000 մարդու մահվան, գրում է Gercek News-ը։
CNN-ի հեռուստաալիքին տված հարցազրույցում Քալընը նշել է, որ վերջնական որոշումը կհաստատվի բարձր ընտրական հանձնաժողովի կողմից, բայց հենց հիմա պարզ է, որ քվեարկությունը, հավանաբար, կլինի մայիսի 14-ին:
Քալինը հայտարարել է, որ ընտրությունների ամսաթիվը կախված է երկրաշարժի գոտում որոշ տեխնիկական խնդիրներից: «Բարձր ընտրական հանձնաժողովը կորոշի՝ արդյո՞ք տուժած տարածքներում ընտրությունները կարող են անցկացվել 10 քաղաքներում: Մենք ունենք ավելի քան 2 միլիոն մարդ, որոնք տեղափոխվել են տարածքից: Հարց է, թե ինչպես կկարողանան քվեարկել այն վայրերում, որտեղ նրանք կլինեն ընտրությունների օրը»,- ասել է Էրդողանի խոսնակը։
