Գերմանիայի Դյուսելդորֆ քաղաքում ավարտին մոտեցող շախմատի WR Chess Masters մրցաշարի նախավերջին 8-րդ տուրում Լևոն Արոնյանը սև խաղաքարերով 36-րդ քայլին կիսել է միավորը ռուսաստանցի Անդրեյ Եսիպենկոյի հետ:
Վերջին տուրից առաջ Լևոն Արոնյանը հնդիկ Դոմարաջու Գուկեշի հետ 5 միավորով կիսում է 1-2 տեղերը։
Այսօր կայանալիք 9-րդ տուրում Արոնյանը սպիտակներով կմրցի հենց Դոմարաջու Գուկեշի հետ: Այդ մրցախաղում հաղթողը կարժանանա գլխավոր մրցանակին՝ 40 հազար եվրոյի: Իսկ հավասար միավորների դեպքում հաղթողին կորոշի լրացուցիչ մրցախաղը:
