Ռուսաստանն ընդունակ չէ անսահմանափակ միջուկային մրցավազքի. Քալ

ԱՄՆ պաշտպանության փոխնախարար Քոլին Քալը, ելույթ ունենալով Կոնգրեսի լսումների ժամանակ, Ուկրաինայի առաջնագծում ստեղծված իրավիճակը անվանել է «հյուծող հարվածների փոխանակում» և ասել, որ Ռուսաստանը առաջիկայում դժվար թե զգալի տարածքային նվաճումներ ունենա:

«Գուցե առաջիկա շաբաթների և ամիսների ընթացքում դուք կտեսնեք, թե ինչպես են փոքր տարածքները ձեռքից ձեռք անցնում: Ես չեմ տեսնում, թե ռուսները կկարողանան զգալի տարածքային ձեռքբերումներ ունենալ Ուկրաինայում առաջիկա մեկ տարում», – ասել է Քալը։

Պատասխանելով Ռուսաստանի կողմից Ռազմավարական սպառազինությունների մասին պայմանագրի կասեցման հետևանքների մասին՝ Քալն ասել է, որ Ռուսաստանն ընդունակ չէ անսահմանափակ միջուկային մրցավազքի

«Նրանք փող չունեն, հատկապես հաշվի առնելով պատերազմի, պատժամիջոցների և արտահանման վերահսկողության պատճառով իրենց բանակի վրա ճնշումը: Կարծում եմ, դա նրա (Պուտինի) համար աղմկոտ վերնագրեր ստեղծելու միջոց էր: Բայց ես կարծում եմ, որ գործնական տեսանկյունից դա չի փոխել իրավիճակը»,- ասել է Քալը։