15 տարի առաջ այս օրը Երևանի կենտրոնում լսվեցին կրակոցներ: Ցուցարարներից ոչ ոք չէր սպասում օրվա իշխանության այդ տեսակ անմարդկային քայլին:
2008 թ. նախագահական ընտրություններից հետո, գործող իշխանությունը, հեռացող նախագահ Ռոբերտ Քոչարյանի գլխավորությամբ, համատարած լցոնումներով, բռնություններով, հազարավոր կեղծ անձնագրերով եւ գոյություն չունեցող ընտրողների ձայնը յուրացնելով ապահովեցին Սերժ Սարգսյանի «հաղթանակը», հարյուր հազարավոր հայաստանցիներ դուրս եկան հրապարակ`մերժելով իշխանության յուրացումը խունտայի կողմից:
Իրադարձությունները սկսել էին ակտիվորեն զարգանալ փետրվարի 20-ից երբ սկսվեցին կազմակերպվել հանրահավաքներ, բողոքի այլ գործողություններ։ Ցույցի մասնակիցները չէին ընդունում ընտրությունների արդյունքները և պնդում էին, որ նախագահ է ընտրվել Լևոն Տեր-Պետրոսյանը։
Մարտի 1-ի իրադարձությունների առանձին դեպքերով կայացվել են խայտառակ դատավճիռներ, սակայն մինչև օրս ամբողջական դեպքերի վերաբերյալ սկսվել , բայց չի ավարտվել դատական գործընթացը։
Կարևոր է արձանագրել, որ դեպքից 15 տարի անց էլ դպրոցական և համալսարանական դասագրքերում մարտի 1-ը ներկայացված է օրվա իշխանությունների մեկնաբանությունների հիմա վրա, որոնք սակայն ականատեսները և մասնակիցները հերքում են և տարիներ շարունակ տարբեր լսարանների փորձում հասցնել դեպքերի իրական պատկերը:
2008 թվականի Մարտի 1-ի ողբերգություն խլեց 10 մարդու կյանք՝ 8 քաղաքացիական անձինք և 2 ոստիկաններ.
Գոռ Քլոյան
Դավիթ Պետրոսյան
Տիգրան Խաչատրյան
Արմեն Ֆարմանյան
Հովհաննես Հովհաննիսյան
Գրիգոր Գևորգյան
Սամվել Հարությունյան
Զաքար Հովհաննիսյան
Տիգրան Աբգարյան, ծառայել է ոստիկանական հատուկ զորքերում, մահացել է ապրիլի 10-ին՝ 41 օր կոմայի մեջ մնալուց հետո
Համլետ Թադևոսյան, ոստիկանության զորքերի կապիտան
