Արդարադատության նախարարությունը սահմնված կարգով հարուցում է վարույթներ, և եթե դրանից հետո գտնում է, որ կան իրավական հիմքեր միջնորդությամբ գնալ ԲԴԽ, իր լիազորությունների շրջանակում պաշտպանում է իր տեսակետը, որտեղ լինում են հաղթանակներ և լինում են նաև պարտություններ:
Այս մասին այսօր՝ մարտի 2-ին, կառավարության նիստից հետո լրագրողների հետ զրույցում հայտարարեց ՀՀ արդարադատության նախարար Գրիգոր Մինասյանը։
«Եթե դատավորը ենթարկվում է պատասխանատվության, նշանակում է նա դժգոհ է լինելու իր դեմ կայացված որոշումից»,- ասաց նա: Դիտարկմանը, որ կոնկրետ դատավոր Զարուհի Նախշքարյանի լիազորությունները դադարեցվել են կարծիք արտահայտելու համար, արդյոք դա կամայականություն չէ, նախարարն ասաց.
«Կոնկրետ այդ դեպքը կարծիք արտահայտելու շրջանակներից դուրս էր, քանի որ Դատական օրենսգիրքը սեւով սպիտակի վրա սահմանում է, որ դատավորն իրավունք չունի մինչեւ որոշում կայացնելը կարծիք, դիրքորոշում հայտնել իր կողքի դատարանի որոշման հետ կապված: Այս դեպքում Դատական օրենսգրքի կոնկրետ հոդվածներ են խախտվել»:
Հարցին, թե արդյոք սա նկատի ուներ իշխանությունը, երբ խոսում էր դատական համակարգում վեթինգի մասին, Մինասյանը պատասխանեց.
«Մեր Սահմանադրությունը գլոբալ վեթինգ թույլ չի տալիս իրականացնել: Գլոբալ վեթինգը մի երևույթ է, ալբանակն փորձը կա, որ մեկ օրում բոլոր դատավորները աշխատանքից դուրս են գալիս և նոր ընթացակարգերով ընդունվում են դատական իշխանության կազմ:
