Բայրամովն ու Գրոսսին քննարկել են Մեծամորի ԱԷԿ-ի աշխատանքը

Այսօր Ադրբեջանի արտաքին գործերի նախարար Ջեյհուն Բայրամովը հանդիպել է Ատոմային Էներգիայի միջազգային գործակալության (ՄԱԳԱՏԷ) գլխավոր տնօրեն Ռաֆայել Գրոսիի հետ, ով Covid-19-ի դեմ պայքարի շարժման կոնտակտային խմբի գագաթնաժողովի շրջանակներում այցով գտնվում է Ադրբեջանում։

Ըստ ադրբեջանական մամուլի՝ հանդիպման ընթացքում Բայրամովը խոսել է տարածաշրջանում միջուկային անվտանգության ապահովման խնդիրներից՝ կարևորելով գործակալության կողմից սահմանված անվտանգության ստանդարտների պահպանումը Մեծամորի ատոմակայանի շահագործման ժամանակ, որտեղ Հայաստանի կողմից «օգտագործվում են հնացած տեխնոլոգիաներ»: