Բուլղարիայի մայրաքաղաք Սոֆիայում ընթացող հունահռոմեական ոճի ըմբշամարտի՝ Դան Կոլովի և Նիկոլա Պետրովի անվան հուշամրցաշարում Հայաստանի հավաքականի ներկայացուցիչ, մինչև 20 տարեկանների Եվրոպայի չեմպիոն Վիգեն Նազարյանը (87 կգ) նվաճել է բրոնզե մեդալ:
Հայաստանի մյուս ներկայացուցիչներ Ռուդիկ Մկրտչյանը (55 կգ) և Հրաչյա Պողոսյանը (63 կգ) նվաճել էին արծաթե մեդալներ: Ռուդիկ Մկրտչյանը եզրափակչում պարտվել էր Թուրքիայի ներկայացուցիչ Ադեմ Բուրակ Ուզունին, 63 կգ քաշային Հրաչյա Պողոսյանն էլ զիջել էր բուլղարացի Աբու Մուսիմ Ամաևին:
Սլավիկ Գալստյանը (67 կգ) և աշխարհի ու Եվրոպայի չեմպիոն Մալխաս Ամոյանը (77 կգ) դուրս են եկել մրցաշարի եզրափակիչ ու ոսկե մեդալների համար կպայքարեն մարտի 6-ին:
