ՀԱՊԿ-ի ինտեգրումից ազատվելու ցանկացած քայլ դրական եմ գնահատում․ Հ․ Խուրշուդյան 

Հայաստանը հրաժարվել է Հավաքական անվտանգության պայմանագրի կազմակերպության (ՀԱՊԿ) գլխավոր քարտուղարի տեղակալի իր քվոտայից, այս մասին այսօր՝ մարտի10-ին մի շարք լրատվամիջոցների հաստատել էր Հայաստանի արտգործնախարարության մամուլի խոսնակ Վահան Հունանյանը:

Թիվ 1-ը թեմայի առնչությամբ զրուցել է «Ազատ քաղաքացի» ՀԿ ղեկավար Հովսեփ Խուրշուդյանի հետ։ 

-Պարոն Խուրշուդյան, ինչպե՞ս կգնահատեք այս քայլը։

-Դրական կարծիք ունեմ իհարկե։ Ցանկացած նման ինտեգրումին, կապված ՀԱՊԿ-ի կամ ԵԱՏՄ-ի հետ դեմ եմ։ Իսկ այս ինտեգրումից ազատվելու ցանկացած քայլ, թեկուզ փոքր՝ դրական եմ գնահատում։   

-Իսկ այս քայլով ՀՀ-ն ի՞նչ է ուզում ասել։ 

-Ընդամենը դեմարշ է անում, որովհետև ոչ մի լուրջ բան իրենից չի ներկայացնում այդ պաշտոնը։ Աղմուկը ավելի շատ է, քան իրական իրադարձությունը։   

-Իսկ ի՞նչ հետևանքներ կարող է թողնել այս քայլը։

-Առանձնապես ոչ մի հետևանք էլ չի թողնելու, դա նույնը կլիներ, եթե ենթադրենք Նիկոլ Փաշինյանը խոսեր Պուտինի հետ, ինչ-որ բանից դժգոհեր, բայց փափուկ տոնով ու փորձեր ինչ-որ մեսիջներով դժգոհել ՀԱՊԿ գործողություններից։

-Այսինքն այս քայլը որակել որպես փոքր քայլերով ՀԱՊԿ-ից դուրս գալ, իրատեսական չէ։՞

-Իհարկե՛, ոչ։ Լուրջ քայլ է ՀԱՊԿ զորավարժություններ թույլ չտալը, թուլ չտալ ՀԱՊԿ դիտորներ գան։ Իսկ այնտեղ տեղակալի պաշտոնում մեկ ավել, մեկ պակաս, վաղն էլ կարող է մի ինչ-որ օգնականի հաստիքից հրաժարվեն, դա շատ միկրոքայլեր են, որոնք որ ավելի շատ վերաբերմունք ցույց տալու ձև է, քան բովանդակություն։

Մերի Մանուկյան