ԿԳՄՍ նախարար Ժաննա Անդրեասյանն անդրադարձել է Բրյուսովի անվան համալսարանում ստեղծված իրավիճակին։

Նրա խոսքով՝ ռեկտորի ընտրության արդյունքները վիճարկվում են դատարանում, և կառավարությունը վարվել է միակ ձևով, որը հնարավոր է․

«Հիմնադրամների մասին օրենքի համաձայն՝ ձևավորվել է ժամանակավոր եռյակ խորհուրդ, և արդեն հաջորդ գործընթացները՝ ժամանակավոր պաշտոնակատարի մասով, նպատակ ունեն ընդամենը ապահովել բուհի բնականոն գործունեությունը։ Երեկ ես եղել եմ բուհում, հարցերը, որ հնչել են, պարզաբանել եմ, կարծում եմ՝ թեման սպառված է»։