Այսօր՝ մարտի 17-ին, Վազգեն Սարգսյանի անվան «Հանրապետական» մարզադաշտում կայացավ Հայաստանի հավաքականի նորանշանակ գլխավոր մարզիչ Ալեքսանդր Պետրակովի առաջին մամուլի ասուլիսը։
Խոսելով նպատակների, ՀՖՖ ղեկավարության առաջադրանքների մասին՝ Պետրակովն ասաց․ «ՀՖՖ նախագահն իմ առջև առաջադրանք է դրել՝ փորձել դուրս գալ Եվրո-2024-ի եզրափակիչ փուլ»։
«Կողմնակիչ չեմ, որպեսզի քաղաքականացվի առաջիկա հանդիպումը։ Հայ ֆուտբոլիստները լավ գիտեն իրենց պատմությունը, ես՝ նույնպես։ Առաջիկա խաղում կարևորը միայն սպորտն է»,- խոսելով Թուրքիայի հետ առաջիկա հանդիպման մասին՝ ասաց մարզիչը։ «Մոտ 2 ամիս այստեղ եմ։
Հավաքականի թեկնածուները հաճելի տղաներ են, կարող եմ ասել տեսագրությունների և զանգերի միջոցով դժվար է պատկերացում կազմել, ուստի հրավիրել եմ բոլորին։ Կարծում եմ՝ մարզիչն ընտրության հարցում երբեմն-երբեմն սխալվել։
Միանշանակ, խմբի ֆավորիտը Խորվաթիայի հավաքականն է, կա նաև այլ ուժեղ հավաքական՝ Ուելսը։ Խմբում թույլ ընտրանիներ չկան, ես հարգում եմ բոլոր մրցակիցներին։ Կարևոր է, որ հենց սկզբից մեր բախտը բերի»,- ասաց Պետրակովը։
Ուկրաինացի մարզիչը նաև խոսեց Հենրիխ Մխիթարյանի հետ զրույցի մասին․ «Առաջին իսկ օրվանից փորձել եմ կապ հաստատել Մխիթարյանի հետ։ Չստացվեց։ Տարբեր աղբյուրներից ինձ ասացին, որ նա չի ցանկանում վերանայել որոշումը։
Բերեզովսկու միջոցով Հենրիխն ասաց, որ չի պատրաստվում փոխել իր որոշումը։ Ես անձամբ չեմ ճանաչում նրան, սակայն գիտեմ, որ լավ մարդ և լավ ֆուտբոլիստ է, բոլորս պետք է հարգենք իր որոշումը»:
Եզրափակելով ասուլիսը, Պետրակովը նշեց․ «Հաջողությունը սիրում է լռություն»։
