Թուրքիայի նախագահ Ռեջեփ Թայիփ Էրդողանը կողմերի հետ բանակցություններից հետո հաստատել է «հացահատիկային գործարքի» երկարաձգումը։ «Մեր բանակցությունների արդյունքում մենք հասանք հացահատիկային միջանցքի մասին համաձայնագրի երկարաձգմանը», – հայտնել է Էրդողանը, նրա խոսքը մեջբերում է TRT Haber-ը։
Այսօր՝ մարտի 18-ին, լրանում է ուկրաինական հացահատիկի արտահանման քառակողմ գործարքի (Ռուսաստան-Թուրքիա-Ուկրաինա-ՄԱԿ) կամ այսպես կոչված՝ «Սեւծովյան նախաձեռնության» գործողության երկրորդ ժամկետը։ Ուրբաթ օրը Ռուսաստանի նախագահի մամուլի քարտուղար Դմիտրի Պեսկովը հաստատել է, որ Մոսկվան 60 օրով երկարացնում է հացահատիկային գործարքը: Մինչ այդ գործարքը երկարաձգվել է 120 օրով։
