Ադրբեջանը պաշտոնապես հայտարարել է, որ հինգ մարզիկներ կմասնակցեն Երեւանում կայանալիք ծանրամարտի Եվրոպայի առաջնությանը։
Այս մասին տեղեկացնում են ադրբեջանական լրատվամիջոցները՝ հղում անելով Ադրբեջանի ծանրամարտի ֆեդերացիային։ Հաղորդվում է, որ ադրբեջանցի մարզիկներին անունները հրապարակվել է Եվրոպայի ֆեդերացիայի պաշտոնական կայքում ՝ երկրների վերջնական գրանցման ցանկում։
Մրցաշարի կայքում հրապարակված տեղեկությունների համաձայն՝ նրանց թվում կա մեկ կին մարզիկ։ Ադրբեջանի ծանրամարտի ֆեդերացիան ավելի վաղ տեղեկացրել էր, որ իր ներկայացուցիչները պատրաստ են մասնակցել Հայաստանում կայանալիք առաջնությանը, եթե նրանց տրամադրեն անվտանգության հատուկ երաշխիքներ։ Ծանրամարտի Եվրոպայի առաջնությունը կանցկացվի ապրիլի 15-23-ը՝ Երևանի Կարեն Դեմիրճյանի անվան մարզահամերգային համալիրում։
