Արցախի ՄԻՊ-ը ներկայացրել ԱՀ-ում ստեղծված հումանիտար ճգնաժամը

Աշխատանքային այցով Հարավային Ամերիկայում գտնվող Արցախի Հանրապետության մարդու իրավունքների պաշտպան Գեղամ Ստեփանյանը Հայաստանի Հանրապետության Ազգային ժողովի «Հայաստան» խմբակցության պատգամավոր Արթուր Խաչատրյանի, ՀՅԴ Հայ դատի Հարավային Ամերիկայի հանձնախմբի պատասխանատու Արամ Մուրադյանի հետ հանդիպել է Արգենտինայի Ազգային կոնգրեսի պատգամավորների պալատի անդամներ Մոնիկա Ֆեյնի և Խուան Մարտին Մուսակիոյի հետ:

Հանդիպման ընթացքում արգենտինացի խորհրդարանականներին է ներկայացվել Ադրբեջանի կողմից Արցախի ժողովրդի դեմ հետևողականորեն իրականացվող էթնիկ ատելության, ինչպես նաև Հայաստանի և Արցախի նկատմամբ ուժի և դրա սպառնալիքի կիրառման քաղաքականությունը:

Գեղամ Ստեփանյանը մանրամասներ է ներկայացրել Ադրբեջանի կողմից շարունակվող շրջափակման հետևանքով Արցախում ստեղծված հումանիտար ճգնաժամի և մարդու իրավունքների լայնածավալ խախտումների վերաբերյալ՝ ընդգծելով, որ շրջափակման վերացման և ադրբեջանական անպաժելիությանը հակազդելու համար հայ ժողովուրդը ակնկալում է միջազգային հանրության և ռանձին պետությունների գործնական աջակցությունը: