Ռուսաստանը Չինաստանի հետ որևէ ռազմական միություն չի ստեղծում․ Պուտին

ՌԴ նախագահ Վլադիմիր Պուտինը Համառուսաստանյան պետական հեռուստառադիոընկերության քաղաքական դիտորդ Պավել Զարուբինին տված հարցազրույցում ասել է, որ Ռուսաստանն ու Չինաստանը ռազմական դաշինք չեն ստեղծում, երկու երկրների հարաբերություններում ամեն ինչ թափանցիկ է։ Միաժամանակ նախագահը կարծում է, որ արեւմտյան երկրները փորձում են ստեղծել «գլոբալ ՆԱՏՕ»՝ աշխարհի նոր տարածաշրջանների մասնակցությամբ, գրում է «Коммерсант»-ը։

«Մենք Չինաստանի հետ որևէ ռազմական դաշինք չենք ստեղծում։ Այո, ռազմատեխնիկական համագործակցության ոլորտում էլ ունենք համագործակցություն, դա չենք թաքցնում, բայց դա թափանցիկ է, այնտեղ գաղտնի ոչինչ չկա», – ասել է ՌԴ նախագահը։

Վլադիմիր Պուտինը նշել է նաեւ, որ Ռուսաստանն ու Չինաստանը զարգացնում են ռազմական համագործակցությունը, այդ թվում՝ համատեղ վարժանքների անցկացումը։

«Ի դեպ, ոչ միայն Չինաստանի, այլեւ այլ երկրների հետ։ Մենք դեռ շարունակում ենք, չնայած Դոնբասի իրադարձություններին՝ Զապորոժիեում և Խերսոնում։ Մենք շարունակում ենք ամեն ինչ, ամեն ինչ թափանցիկ է, սակայն սա ռազմական դաշինք չէ», – հավելել է նա։

Նախագահի խոսքով՝ «Արևմուտքը նոր առանցքներ է կառուցում։ Նա հայտարարել է, որ այդ «առանցքը» «նման է նրան, որը ստեղծվել է դեռեւս 30-ականներին Գերմանիայի և Իտալիայի ֆաշիստական ​​ռեժիմների և ռազմատենչ Ճապոնիայի կողմից»։