ՀՀ վարչապետ Նիկոլ Փաշինյանը կառավարության նիստում հայտարարել է, թե Տեղ գյուղի մոտ ստեղծված իրադրությունը մանրամասն քննության կարիք ունի։
Ըստ նրա՝ պետք է գնահատվի նաև հայկական կողմի գործողությունները՝ պետական սահմանի խնդրո առարկա հատվածն ի սկզբանե պահպանության առնելու գործողությունների առումով․ «Միևնույն ժամանակ, պետք է արձանագրեմ, որ նշված հատվածում ադրբեջանի գործողությունները սադրիչ են և հակասում են 2022թ. հոկտեմբերի 6-ին Պրահայում և հոկտեմբերի 31-ին Սոչիում կայացած հանդիպումների արդյունքներով ընդունված հայտարարություններին»։
Սահմանային իրավիճակին քաղաքական գնահատականի առումով Փաշինյանը կարևորեց նախորդ օրը ԵՄ կողմից տարածված հաղորդագրությունը, որտեղ ընդգծվում է 1991թ. սահմանագիծը։
