Թուրքիայի ներքին գործերի նախարար Սուլեյման Սոյլուն ասել է, որ փետրվարի 6-ի ավերիչ երկրաշարժից զոհված 1020 բնակիչների աճյուններ դեռ նույնականացված չեն: Այդ մասին նախարարը հայտնել է երեկ Մալաթիայում:
«Մենք դեռ չենք կարողացել նույնականացնել 1020 զոհերին և չենք գտել 5 հազար զոհերի ազգականներին»,- ասել է նախարարը:
Փետրվարի 6-ի երկու հզոր ստորգետնյա ցնցումների հետևանքով Թուրքիայում զոհվել է մոտ 50 հազար 400 մարդ, իսկ հարևանում Սիրիայում՝ մոտ 7 հազար 260: Հազարավոր մարդիկ երկու երկրներում վնասվածքներ են ստացել, ավերվել են տասնյակ հազարավոր շենքեր:
Թուրքիայի նախագահ Ռեջեփ Թայիփ Էրդողանը նախօրեին ասել է, որ Մալաթիայում արդեն կառուցվել է 1442 բնակելի շենք, 250 տուն գյուղերում և նորոգվել է 464 կիլոմետր ճանապարհ: Նախագահն ասել է, որ բոլոր նորակառույց տները կունենան առավելագույնը 3 կամ 4 հարկ:
