ՌԴ ԱԳ նախարարությունը արձագանքել է ԱԺ «Քաղաքացիական պայմանագիր» խմբակցության քարտուղար Արթուր Հովհաննիսյանին։
Հովհաննիսյանն այսօր անդրադարձել էր ՌԴ ԱԳՆ խոսնակին՝ ասելով․ «Այն, որ Զախարովան ՀՀ-ից պարզաբանումներ է պահանջում, մի քիչ անհասկանալի է: ՀՀ-ն առաջ է շարժվում իր պետական շահերով ու ամեն ինչ անում է իր ԶՈՒ մարտունակությունը բարձրացնելու ուղղությամբ: ՀՀ-ն իր ռազմավարական գործընկեր ՌԴ-ի հետ շարունակում է իր ջերմ բարեկամական ռազմավարական հարաբերությունները, իր ջերմ հարաբերությունները շարունակում է նաեւ մեր այլ երկրների գործընկերների հետ»։
Ի պատասխան՝ ՌԴ ԱԳՆ-ից հայտարարել են, որ «հավանաբար, Արթուր Հովհաննիսյանին սխալ են թարգմանել»։
Հիշեցնենք՝ Զախարովան ասել էր. «Մենք հայ գործընկերներից պաշտոնական պարզաբանումներ ենք խնդրել ՆԱՏՕ-ի զորավարժություններին իրենց մասնակցության վերաբերյալ։ Պատասխանը ստանալուն պես կորոշենք մեր արձագանքը։ Իհարկե, Երևանի հրաժարումը իր տարածքում ՀԱՊԿ զորավարժություններն անցկացնելուց ցավալի է և չի նպաստում տարածաշրջանային անվտանգության ամրապնդմանը»։
