Դեմիրճյանի շնորհիվ Երևանն ապրում էր համաչափ զարգացում. Թանդիլյան

«Ապրելու երկիր» կուսակցության նախագահ Մանե Թանդիլյանը ֆեյսբուքյան իր էջում Ազգային հերոս Կարեն Դեմիրճյանի ծննդյան 91-ամյակի վերաբերյալ գրառում է կատարել, որը ներկայացնում ենք ստորև.

«Այսօր Հայաստանի հասարակական ու քաղաքական մտքի պատմության լավագույն գործիչներից մեկի, Ազգային հերոս Կարեն Դեմիրճյանի ծննդյան 91-ամյակն է։ Կարեն Դեմիրճյանն այն եզակի գործիչներից է, ով իր հանդեպ եղած համատարած սերն ու հարգանքը վաստակել է իր պետականամետ մտածելակերպով ու նվիրված աշխատանքով՝ հանուն մեր հայրենիքի։ Առանձահատուկ էր նաև Դեմիրճյանի նվիրումը մայրաքաղաքին։ Նրա օրոք են կառուցվել ու շահագործման հանձնվել երևանյան կոլորիտի մաս կազմող, մի շարք գործառնական ու մշակութային տեսանկյունից կարևոր, պատմական կառույցներ, նա է ստանձնել Հայոց ցեղասպանության զոհերի հիշատակին նվիրված հուշակոթողի կառուցումը։

Դեմիրճյանի շնորհիվ Երևանն ապրում էր համաչափ զարգացում, պահպանում և ձևավորում իր ուրույն դիմագիծը։ Իր քաղաքի ու երկրի նկատմամբ ունեցած սերն էր Դեմիրճյանի գործունեության հիմքն ու առանցքը։ Երևանի հանդեպ ունեցած նման անմնացորդ նվիրումն այսօր էլ պետք է լինի օրինակելի մեր բոլորիս գործունեության համար»։

Թիվ 1