Գյուղաշխատանքներ կատարողների ուղղությամբ կրակելու փաստով քրգործը վարույթում է. ԱՀ ՔԿ

Ադրբեջանական դիրքերից գյուղաշխատանքներ կատարող բնակիչների ուղղությամբ կրակոցներ արձակելու դեպքի առթիվ հարուցված քրեական գործը վարույթ է ընդունվել:

Այս մասին ԱՀ ՔԿ-ն հետևյալ հաղորդագրությունն է տարածել.

«ԱՀ ՔԿ տարածքային քննչական վարչության Մարտունու շրջանի քննչական բաժնում վարույթ է ընդունվել 2023թ. մարտի 26-ին՝ ժամը 11:05-ի սահմաններում, ադրբեջանական մարտական դիրքերից ազգային ատելության շարժառիթով, ԱՀ Մարտունու շրջանի Թաղավարդ գյուղի վարչական տարածքում գտնվող «Շեխերի երես» կոչվող տեղամասում գյուղատնտեսական աշխատանքներ կատարող նույն գյուղի թվով երկու բնակիչների ապօրինաբար կյանքից զրկելու դիտավորությամբ,

հրաձգային զինատեսակներից վերջիններիս ուղղությամբ կրակոցներ արձակելու դեպքի առթիվ ԱՀ քրեական օրենսգրքի 33-103-րդ հոդվածի 2-րդ մասի 14-րդ կետերով հարուցված քրեական գործը»: