Խորվաթիայի մայրաքաղաք Զագրեբում ընթացող ազատ ոճի ըմբշամարտի Եվրոպայի առաջնությունում 65 կգ քաշային Վազգեն Թևանյանը հռչակվեց Եվրոպայի չեմպիոն։
Թևանյանը վճռորոշ գոտեմարտում 10-1 հաշվով հաղթեց Բուլղարիայի ներկայացուցիչ Միկյայ Սալիմ Նաիմին: Հիշեցնենք, որ հայ ըմբիշը պայքարն սկսել էր 1/8 եզրափակչից՝ 10-0 հաշվով պարտության մատնելով Իսրայելը ներկայացնող Ջոշուա Սթյուարտին:
Քառորդ եզրափակիչում 4-1 հաշվով պարտության էր մատնել ադրբեջանցի Ալի Ռահիմեադային, իսկ կիսաեզրափակչում 12-4 հաշվով հաղթել էր Ուկրաինան ներկայացնող հայ ըմբիշ Էրիկ Առուշանյանին:
