Ալիևն ու Օլսոնը քննարկել են հայ – ադրբեջանական կարգավորումը
Ադրբեջանի նախագահ Իլհամ Ալիևը չորեքշաբթի օրն ընդունել է ԱՄՆ պետքարտուղարի Եվրոպայի և Եվրասիայի հարցերով փոխտեղակալ Էրիկա Օլսոնին, կողմերը քննարկել են Բաքվի և Երևանի միջև հարաբերությունների կարգավորման հարցը։
«Հանդիպման ընթացքում մտքերի փոխանակում է տեղի ունեցել Հայաստանի և Ադրբեջանի միջև հարաբերությունների կարգավորման և խաղաղության պայմանագրի շուրջ բանակցությունների վերաբերյալ», – փոխանցում է Ադրբեջանի նախագահի կայքում հրապարակված հաղորդագրությունը։
Ալիևն ասել է, թե «հենց Ադրբեջանն է նախաձեռնել Հայաստանի հետ խաղաղության պայմանագրի ստորագրումը» 2020 թվականին Ղարաբաղյան երկրորդ պատերազմի ավարտից հետո: Նրա խոսքով՝ հինգ սկզբունքներ են առաջարկել, որոնք «խաղաղության պայմանագրի հիմքը պետք է լինեն»։
Իր հերթին, Օլսոնն ասել է, որ «ԱՄՆ-ն աջակցում է տարածաշրջանային խաղաղության օրակարգին և Հայաստանի ու Ադրբեջանի միջև խաղաղության պայմանագրի շուտափույթ ստորագրմանը»։ Այս համատեքստում հատկապես նշվել է ԱՄՆ պետքարտուղար Էնթոնի Բլինկենի դերը, ասված է հաղորդագրությունում:
Օլսոնի այցը Բաքու կշարունակվի մինչև ապրիլի 21-ը։ Նա Բաքու է ժամանել Հայաստան երկօրյա այցից հետո:
Recent Posts
Այսօր գարնանային գիշերահավասարի օրն է
Այսօր գարնանային գիշերահավասարի օրն է և աստղագիտական գարնան սկիզբը։ Վաղվանից սկսած մինչև սեպտեմբերի 22-ը ցերեկվա…
Արդարադատության նախարար Սրբուհի Գալյանը կգործուղվի ԱՄՆ
Վարչապետ Նիկոլ Փաշինյանի որոշմամբ, ՀՀ արդարադատության նախարար Սրբուհի Գալյանը կգործուղվի Ամերիկայի Միացյալ Նահանգներ: «Համաձայն «Կառավարության…
Ուկրաինայի սահամանդրությունը խանգարում է խաղաղության համաձայնագրին․ Շոյգու
Ռուսաստանի Անվտանգության խորհրդի քարտուղար Սերգեյ Շոյգուն նախազգուշացրել է Կիևում առկա դժվարությունների մասին՝ խաղաղության համաձայնագրերի հասնելու…
Աղմուկը «կերավ» Արցախը. Հայաստանի մարտահրավերը
Շատ քչերը հասկացան, թե քառասունչորսօրյա պատերազմից հետո Արցախի Ազգային ժողովի նախագահ Արթուր Թովմասյանն ինչու՞ հրապարակայնացրեց,…
ՀՀ-ն ՄԱԿ-ում ՀՀ ներկայացուցչությանը կից պաշտպանության հարցերով կցորդ կունենա
Երևանը Միավորված ազգերի կազմակերպությունում Հայաստանի Հանրապետության մշտական ներկայացուցչությանը կից Հայաստանի Հանրապետության պաշտպանության հարցերով կցորդ կունենա։…
ՀՀ-ն շարունակում է առաջ մղել խաղաղության օրակարգը. Գրիգորյան
«ՀՀ-ն շարունակում է առաջ մղել խաղաղության օրակարգը»,- հայտարարել է ԱԽ քարտուղար Արմեն Գրիգորյանը։ Նրա խոսքով,…