Ապրիլի 19-ին ՀԱՊԿ գլխավոր քարտուղար Իմանգալի Տասմագամբետովն անցկացրել է խորհրդակցություն, որին մասնակցել են պետական իշխանության մարմինների, ինչպես նաև Ռուսաստանի առաջատար գիտափորձագիտական կենտրոնների ներկայացուցիչները: Տասմագամբետովը անդրադարձել է հայ-ադրբեջանական սահմանի, Լեռնային Ղարաբաղի իրավիճակին և գնահատել ռազմաքաղաքական դրությունը հարավային Կովկասում։
«Ոչ պակաս բարդ ու պայթյունավտանգ է մնում իրավիճակը Հարավային Կովկասում։ Ե՛վ Լեռնային Ղարաբաղում, և՛ հայ-ադրբեջանական սահմանին տիրող իրավիճակի հետ կապված ռիսկերն այսօր էլ արդիական են», – հայտարարել է Տասմագամբետովը։
