Վրաստանի արտաքին պարտքը ավելացել է 200 մլն դոլարով

Մարտի վերջի դրությամբ Վրաստանի արտաքին պետական ​​պարտքը կազմել է 8,47 մլրդ դոլար, ինչը 208,5 մլն դոլարով կամ 2,5%–ով ավելի է, քան մեկ ամիս առաջ։

Այս մասին են վկայում Վրաստանի ֆինանսների նախարարության հրապարակած տվյալները։ Վրաստանի պարտքը Եվրոպական ներդրումային բանկին աճել է 98,1 մլն դոլարով, Ասիական ենթակառուցվածքային ներդրումների բանկին՝ 13,8 մլն դոլարով, Վերակառուցման և զարգացման եվրոպական բանկին՝ 7 մլն դոլարով, Եվրամիությանը՝ 4,2 միլիոն դոլարով։