Ֆրանսիայի արտաքին գործերի նախարար Կատրին Կոլոնան Ջերմուկում հանդիպել է ՀՀ ԶՈՒ ԳՇ պետ Էդվարդ Ասրյանի հետ։
ԳՇ պետը բարձր է գնահատել ԵՄ դիտորդների աշխատանքը ՀՀ-ում.
«Այդ աշխատանքով Ադրբեջանի զինված ուժերը իրենց առավել զսպված են զգում։ Այնպես որ շատ լավ է ստացվում աշխատանքը Հայաստանի սահմանների երկայնքով»։
Ֆրանսիայի արտաքին գործերի նախարարն էլ շեշտել է, որ Հայաստանի և ԵՄ դիտորդական առաքելության համագործակցությունը շատ դրական է․
«Այն մեզ հնարավորություն է տալիս դիտորդական աշխատանքի շնորհիվ տեղից տեղեկություններ ստանալ, որոնք օգտակար են ԵՄ անդամ պետությունների համար։
Սա դիտորդական առաքելություն է, զինված առաքելություն չէ, նպատակը պարզապես հետևելն է իրավիճակին, սակայն ամեն դեպքում այդ ներկայությունը հնարավորություն է տալիս լարվածությունը թուլացնել»,- ասել է նախարարը։
