«Մենք շարունակ զիջում ենք, տեղը ոչինչ չենք ձեռք բերում, փոխարենն ունենք իրողություն, որ Հայաստանից ՝ Սյունիքից ու Գեղարքունիքից օկուպացվել է հսկայական տարածք»,- խորհրդարանական ճեպազրույցների ժամանակ ասաց անկախ պատգամավոր Թագուհի Թովմասյանը։
Նա նշեց, այնպիսի իրավիճակ է, որ Վարդենիսի շրջանում Սոթքի ոսկու հանքն արդեն երկու շաբաթից ավելի է չի աշխատում, քանի որ ամենօրյա ռեժիմով կրակում են 800 աշխատակցի վրա։
«Ստիպված հանքի սեփականատերերն ուղղակի մարդկանց ուղարկել են հարկադիր պարապուրդի։ Այս մասով ևս Նիկոլ Փաշինյանը ոչինչ չի անում, անգամ հրապարակային որևէ խոսք նրանից չենք լսել»,- ասաց Թովմասյանը։
