Ադրբեջանի ԱԳՆ-ն Հայաստանի սահմանը հատած ադրբեջանցի զինվորներից մեկի՝ Ագշին Բաբիրովի գործով դատավարությունը որակել է «կեղծված, դատարանի որոշումը մտացածին է, և Երևանից պահանջել է ազատ արձակել զինվորներին։
«Կոչ ենք արել միջազգային հանրությանը, համապատասխան միջազգային կազմակերպություններին և հասարակական կազմակերպություններին լուրջ ազդեցություն և ճնշում գործադրել Հայաստանի վրա՝ ադրբեջանցի պատանդներին շուտափույթ ազատելու և նրանց ընտանիքներին վերամիավորելու համար»,- ասված է հայտարարությունում։
Ավելի վաղ հայտնել էինք, որ Հայաստանի սահմանը հատած երկու ադրբեջանցիներից մեկի՝ Ագշին Բաբիրովի գործով դատավճիռ է կայացվել։ Դատարանի՝ մայիսի 4-ի դատավճռով Բաբիրովի նկատմամբ վերջնական պատիժ է սահմանվել ազատազրկումը 11 տարի 6 ամիս 15 օր ժամկետով:
