Եվրոպայի ամառային երրորդ խաղերին մասնակցող Հայաստանի պատվիրակության կազմը շարունակում է համալրվել:
Արդեն հայտնի են հրաձգության, թեքբոլի, կարատեի, աթլետիկայի և թաեքվոնդոյի մրցումների մասնակից հայաստանցի մարզիկների անունները:
ՀԱՕԿ մամուլի ծառայությունից հայտնում են, որ շարքը խտացնում են նաև ճկասուսերակիրներ Գրիգոր Պապոյանը, Բորիս Դադայանը, խոցասուսերակիրներ Ալիկ Նավասարդյանը, Գրիգոր Մնացականյանը, Էմմա Պողոսովան, ջրացատկորդներ Վլադիմիր Հարությունյանը, Արման Ենոքյանը, Մարատ Գրիգորյանը, Ալիսա Զաքարյանը և մուայթայիստներ Գոռ Սարգսյանը / 67 կգ /, Արմեն Գրիգորյանը / 71 կգ /, Լուսի Տեր Դավթյանը / 63, 5 կգ /: Լեհաստանում կայանալիք Եվրոպայի ամառային երրորդ խաղերի մեկնարկին մնացել է 35 օր:
