ՀՀ քննչական վարչությունում այս պահին գտնվող և Աշոտ Փաշինյանի հետ առերեսման մասնակցող զոհված զինծառայողի մայր Գայանե Հակոբյանի ձերբակալման բողոքի քննությունը մեկ ժամով հետաձգվել է: Այն կայանալու է ժամը 23:00-ին:
Այս մասին տեղեկցրել է Հակոբյանի փաստաբանը:
Քննությունը կայանալու էր ժամը 22-ին, Երևանի ընդհանուր իրավասության դատարանի Շենգավիթ նստավայրում:
Ինչպես հայտնել էինք, երեկ փորձ էր արվել առևանգելու վարչապետի որդուն՝ Աշոտ Փաշինյանին: Առերևույթ իր կամքին հակառակ Աշոտ Փաշինյանին առևանգելու հանցանք կատարելու համար անմիջականորեն ծագած հիմնավոր կասկածի հիման վրա «Որդիների կանչ» ՀԿ անդամ Գայանե Հակոբյանը ձերբակալվել է:
Քննչական կոմիտեն հրապարակել էր Աշոտ Փաշինյանի ներկայացրած հաղորդումը, որտեղ նա դեպքից մանրամասներ էր պատմել։
Նշենք, որ Աշոտ Փաշինյանը տուժող է ճանաչվել երեկ տեղի ունեցած միջադեպի գործով։
