«Կա մի լավ լուր և մեկ վատ լուր։ Լավ լուրը՝ Կապսի ջրամբարի հետ է կապված։ հասել ենք այն փուլին, որ ջրամբարի կառուցման մեկնարկը տրվեց»,-ԱԺ-ում ասաց ՏԿԵ նախարար Գնել Սանոսյանը։
Վատ լուրը կապված է ոռոգման սեզոնին այս տարվա վիճակի հետ, ասում է՝ բարդ և ծանր իրավիճակ է ստեղծվել։
«Խոշոր ջրամբարներում, որոնք սնուցում են մեր համակարգը, բավականին ջրի պակաս կա։ Այսօր տվյալներով այդ պակասն արդեն 250 մլն մ³-ի է հասնում և դրա հիմնական բաժինը՝ Ախուրյանի, Ազատի, Ապարանի և Մարմարիկի ջրամբարներին է ընկնում։
Գետերում նույնպես ջրի առկա քանակը քիչ է։ Կփորձենք կառավարել, բայց մենք կարիք ունենանք Սևանից լրացուցիչ ջուր վերցնելու։ Հավանաբար ձեզ այդ խնդրանքով կդիմենք, հաշվարկներ ենք անում,թե ինչ չափի մասին կարող է խոսք գնալ»,- ասաց Սանոսյանը։
