Ընթանում է Փաշինյան-Պուտին հանդիպում

Կրեմլում մեկնարկել է ՀՀ վարչապետ Նիկոլ Փաշինյանի և ՌԴ նախագահ Վլադիմիր Պուտինի հանդիպումը:

ՌԴ նախագահն ընդգծել է, որ տարածաշրջանային տնտեսական կապերի զարգացման տեսանկյունից սա օգտակար է, լրացուցիչ հարթակ և երկխոսության հնարավորություն է ստեղծում։

«Մենք երախտապարտ ենք, որ համաձայնեցիք այս միջոցառմանն Ադրբեջանի նախագահի ներկայությանը։

Կարծում եմ, որ ամեն դեպքում, տարածաշրջանային տնտեսական կապերի զարգացման տեսանկյունից սա օգտակար է, լրացուցիչ հարթակ և երկխոսության հնարավորություն է ստեղծում։

«Ինչ վերաբերում է Ղարաբաղի շուրջ կարգավորման հետ կապված զգայուն հարցերին, ես և վարչապետ Փաշինյանը ևս մեկ անգամ դեմ առ դեմ քննարկեցինք այս ամենը։

Մենք դեռ հնարավորություն կունենանք եռակողմ ձևաչափով խոսել տրանսպորտային կապերի ապաշրջափակման հարցերի շուրջ։ Հարցերը շատ կարևոր են և զգայուն։

Համոզված եմ, որ եթե ի վերջո, չնայած բոլոր դժվարություններին, հասնենք այդ հարցերի լուծմանը, ապա դա անկասկած օգուտ կբերի և՛ Հայաստանին, և՛ Ադրբեջանին, և ոչ միայն երկու երկրներին, այլև ողջ տարածաշրջանին, քանի որ շատ պետություններ շահագրգռված են. սա կնպաստի հարաբերությունների կարգավորմանը բոլոր ուղղություններով, այդ թվում՝ քաղաքական՝ այս տարածքում ապրող մարդկանց անվտանգության ապահովման առումով»,- ասել է Վլադիմիր Պուտինը։

ՀՀ վարչապետը վերահաստատել է, որ Հայաստանն իսկապես շահագրգռված է տարածաշրջանային հաղորդակցությունների ապաշրջափակմամբ, բայց Հայաստանի ինքնիշխանության և իրավասության պահպանման պայմանով:

«Մենք պատրաստ ենք նրան, որ և՛ սահմանային, և՛ մաքսային ծառայությունները ապահովեն բոլոր տրանսպորտային միջոցների՝ երկաթուղային շարժակազմերի բնականոն անցումը Հայաստանի տարածքով և ակնկալում ենք, որ ադրբեջանական երկաթուղին Հայաստանի երկաթուղային շարժակազմերի համար կբացվի Նախիջևանով և Ադրբեջանով դեպի Ռուսաստան և Իրան։

Ակնկալում ենք, որ այդ հարցը կլուծվի պարիտետային հիմունքներով՝ պահպանելով երկրի ինքնիշխանությունը»,- նշել է վարչապետը։