Ադրբեջանը վստահեցնում է, որ առանց որևէ տարբերակի ճանաչում է ՀՀ-ի լիակատար ինքնիշխանությունը․ Պուտին

Ադրբեջանը վստահեցնում է, որ առանց որևէ տարբերակի ճանաչում է Հայաստանի լիակատար ինքնիշխանությունը, և երկրորդ, երրորդ մեկնաբանություն, կապված տրանսպորտային կապերի հնարավոր ապաշրջափակման հետ, որևէ հիմք չունի։

Այս մասին ՀՀ վարչապետ Նիկոլ Փաշինյանի հետ հանդիպմանը հայտարարել է ՌԴ նախագահ Վլադիմիր Պուտինը։

«Դուք գիտեք մեր դիրքորոշումը Լաչինի միջանցքի մասին մեր եռակողմ հայտարարության վերաբերյալ։ Մենք երբեք չենք փոխել մեր դիրքորոշումն այս հարցում։

Եվ դուք գիտեք, որ թե՛ մեր հայ ընկերների, թե՛ Ադրբեջանի հետ քննարկումներում մենք միշտ հավատարիմ ենք եղել և հիմա էլ հավատարիմ ենք հենց այդ դիրքորոշմանը։ Ամեն ինչ պետք է համապատասխանի մեր եռակողմ հայտարարության ոգուն ու տառին։ Մեր դիրքորոշումն այստեղ չի փոխվել։

Տրանսպորտային երթուղիների, կոմունիկացիաների՝ և՛ երկաթուղիների, և՛ հնարավոր ճանապարհների ապաշրջափակման վերաբերյալ մեր դիրքորոշումը նույնպես անփոփոխ է։ Եվ հիմա, ադրբեջանական պատվիրակության հետ երկկողմ շփման ընթացքում, մենք խոսել ենք այս մասին։

Բայց պետք է ասել, որ ադրբեջանական կողմը նույնպես հաստատում է, որ այս հարցում որևէ փոփոխություն չկա․ Ադրբեջանը վերահաստատում է, որ առանց որևէ տարբերակի ճանաչում է Հայաստանի լիակատար ինքնիշխանությունը, և երկրորդ, երրորդ մեկնաբանություն, կապված տրանսպորտային կապերի հնարավոր ապաշրջափակման հետ, որևէ հիմք չունի։Այդուհանդերձ, հարցեր կան, հենց նոր նշեցիր, դրանք, կարծում եմ, կապված են տերմինաբանության հետ։

Կարծում եմ, որ մենք կարող ենք ավելի մանրամասն խոսել այս մասին»,- ասել է ՌԴ նախագահը: