«Կանաչապատում և շրջակա միջավայրի պահպանություն» ՀՈԱԿ-ը տեղեկացնում է, որ արձանագրվել է նորատունկ ծառերի վնասման հերթական դեպքը։
«Հարկ ենք համարում նշել, որ կատարվածը չէր կարող լինել քամու հետևանք, քանի որ տնկված 79 ծառերից միայն մեկն է վնասվել, իսկ նորատունկ թանկարժեք ծառերի բնի տրամագիծը 5,5 սմ և ավելի է։
Կազմակերպությունը միջոցներ է ձեռնարկել, այդ թվում՝ դիմել է ոստիկանություն։ Այսօր Ձիակասկ պավիան կփոխարինվի նույնանուն ծառատեսակով»,- ասվում է հաղորդագրության մեջ։
