«Հայ-ադրբեջանական սահմանին կլինեն անձնագրային, մաքսային և վերահսկողության բոլոր այլ տեսակները». Օվերչուկ

«Ռուսաստանի, Ադրբեջանի և Հայաստանի եռակողմ աշխատանքային խմբի նոր հանդիպումը տեղի կունենա ամենամոտ ժամանակներս», – տեղեկացրել է ՌԴ փոխվարչապետ Ալեքսեյ Օվերչուկը։

Նա մանրամասներ է հայտնել սպասվող քննարկումներից. «Քննարկվելիք հարցերը վերաբերում են Ադրբեջանի և Հայաստանի միջև սահմանը հատելու մոդալության հետ կապված տեխնիկական մանրամասներին: Խոսքն այն մասին է, որ այդ սահմանին կլինեն անձնագրային, մաքսային և վերահսկողության բոլոր այլ տեսակները, որոնք գոյություն ունեն միջազգային սահմաններում»,– «Ինտերֆաքսի» հարցին ի պատասխան նշել է նա։

Ըստ Օվերչուկի՝ կողմերն այսօր շատ մոտ են նրան, որ խոսեն արևելյան Ադրբեջանի և Նախիջևանի միջև երկաթուղային հաղորդակցությունը վերականգնելու մասին․ «Նաև Հայաստանն է Նախիջևանով, Սյունիքով, Ադրբեջանով դեպի Ռուսաստան, ԵՄ այլ երկրներ շարժվելու ու ապաշրջափակման հնարավորություն ստանում, նաև՝ կարելի է դուրս գալ Իրան», – ասել է Օվերչուկը: