Հայաստանում գազի գնագոյացումը բավականին բարդ համակարգ է և վերահսկվում է պետության կողմից: Մեր երկրում պետությունն է որոշում գազի գինը՝ բանակցություններ վարելով «Գազպրոմ Արմենիա» ՓԲԸ-ի հետ: Այս մասին Tert.am-ի հետ զրույցում ասաց էներգետիկ անվտանգության հարցերով փորձագետ Արմեն Մանվելյանը՝ խոսելով «Ապրելու Երկիր» կուսակցության նախագահ Մանե Թանդիլյանի՝ գազի սակագնի նվազեցման առաջարկի մասին:
Փորձագետը հստակեցրեց, որ գազի սակագնի գնագոյացումը չի ձևավորվում միայն սահմանին գանձվող արժեքով:
«Սահմանին գազի գինը դոլարային արժեքով է վճարվում, բայց միայն դա չէ: Մենք արդեն անցել ենք նաև ռուբլով վճարվող համակարգին: Այն նախկին պատկերեցումը, թե դոլարով ենք վճարում և փոխարժեքի տատանում է եղել, հետևաբար, գինը պետք է փոխվի, այս մեթոդն արդեն չի աշխատում: Երբ գազն անցնում է Հայաստանում դրա վրա գումարվում է նաև 20 տոկոս ավելացված արժեքը: Ընդհանուր առմամբ, բացի ԱԱՀ-ից, կան այլ ծախսեր»,- բացատրեց փորձագետը:
Հանրային ծառայությունները կարգավորող հանձնաժողովից էլ Tert.am-ին տեղեկացրեցին, որ ստացել են Մանե Թանդիլյանի՝ գազի սակագնի նվազեցման առաջարկի մասին դիմումը:
Հանձնաժողովից նաև տեղեկացրեցին, որ դիմումը սահմանված ժամկետում կնայեն, կքննարկեն և կպատասխանեն:
«Գազի սակագնի վերանայումը բացառապես տեղի է ունենում կա՛մ Հանրային ծառայությունները կարգավորող հանձնաժողովի նախառենությամբ, կա՛մ էլ «Գազպրոմ Արմենիա» ՓԲԸ-ի ներկայացրած հայտի հինման վրա»,- մանրամասնեցին հանձնաժողովից:
Հիշեցնենք, որ «Ապրելու Երկիր» կուսակցության նախագահ Մանե Թանդիլյանը ֆեյսբուքի էջում գրել էր, որ դիմել է Հանրային ծառայությունները կարգավորող հանձնաժողովի՝ նախաձեռնելով բնակիչների համար գազի սակագնի փոփոխության գործընթաց՝ այն 1 խմ համար գործող 143,7 դրամից առնվազն 16 դրամով նվացեզնելու նպատակով։
Բելառուսի նախագահ Ալեքսանդր Լուկաշենկոն հայտարարել է, որ կմասնակցի 2025 թվականի նախագահական ընտրություններին։ «Այո՛, Օլյա, կգնամ»,-…
ՀՀ վարչապետ Նիկոլ Փաշինյանն ԱԺ-կառավարություն հարցուպատասխանի ժամանակ անդրադարձել է սահմանազատման գործընթացին․ «Հանձնաժողովների կանոնակարգում սահմանված է…
Վարչապետ Նիկոլ Փաշինյանի գլխավորությամբ տեղի է ունեցել խորհրդակցություն, որի ընթացքում քննարկվել է Կառավարության «300 դպրոց,…
Փոխվարչապետ Մհեր Գրիգորյանն ընդունել է ԱՄՆ Միջազգային զարգացման ֆինանսական կորպորացիայի (DFC) գործադիր տնօրենի տեղակալ Նիշա…
ԱԺ ՔՊ խմբակցության պատգամավոր, առողջապահության նախկին նախարար Արսեն Թորոսյանը, դիմելով «Հայաստան» խմբակցությունից Արծվիկ Մինասյանին, կոչ…
Ազգային ժողովն այսօր փակ-գաղտնի քվեարկությամբ Վիգեն Քոչարյանին ընտրել է Վճռաբեկ դատարանի քաղաքացիական պալատի դատավոր, իսկ…