Գեղարքունիքի մարզպետ, Գեղարքունիքի մարզի զորակոչային հանձնաժողովի նախագահ Կարեն Սարգսյանն անցկացրել է 2023 թվականի ամառային զորակոչի մարզային զորակոչային հանձնաժողովի առաջին նիստը, որին մասնակցում էին զորակոչային հանձնաժողովի բոլոր անդամները։ Տեղեկացնում են Գեղարքունիքի մարզպետի աշխատակազմից։
Նիստին մասնակցել են ՀՀ ՆԳ նախարարության ոստիկանության Գեղարքունիքի մարզային վարչության պետ Արթուր Զոհրաբյանը, ՀՀ ՊՆ Զ և ԶՀԾ Գեղարքունիքի մարզային ստորաբաժանման պատասխանատու աշխատակիցներ։ Օրակարգում քննարկվել են 2023 թվականի ամառային զորակոչի նախապատրաստական փուլերին, զորակոչին ներգրավված կազմակերպությունների հետ համագործակցություն ծավալելուն ուղղված հարցեր։
ՀՀ ՊՆ Զ և ԶՀԾ Գեղարքունիքի մարզային ստորաբաժանման կողմից ներկայացվել են մարտական իրավիճակներում զոհվածների ընտանիքների՝ զորակոչի ենթակա անդամների տարկետմանը վերաբերող հարցեր, առաջարկություններ են արվել վարժական հավաքների ընթացքում ի հայտ եկած խնդիրների լուծման ուղղությամբ։
Զորակոչային հանձնաժողովի նիստի ընթացքում քննարկված բոլոր հարցերի վերաբերյալ Գեղարքունիքի մարզպետի կողմից տրվել են համապատասխան հանձնարարականներ։ 2023 թվականի ամառային զորակոչը կմեկնարկի հունիսի 26-ից։
