Թուրքիայի՝ ՆԱՏՕ-ին Շվեդիայի անդամակցության հեռանկարի վերաբերյալ արտահայտած անվտանգության մտահոգությունները արդարացված են։ Այս մասին հայտարարել է ԱՄՆ պետքարտուղար Էնթոնի Բլինքենը, հայտնում է Anadolu-ն։
Նրա խոսքով՝ և՛ Ֆինլանդիան, և՛ Շվեդիան անհրաժեշտ քայլեր են ձեռնարկել Թուրքիայի մտահոգությունները լուծելու համար։
«ՆԱՏՕ-ի մյուս դաշնակիցները և ԱՄՆ-ն այժմ կարծում են, որ Շվեդիան պետք է պաշտոնապես միանա ՆԱՏՕ-ին: Մենք ակնկալում ենք, որ դա տեղի կունենա հուլիսին կայանալիք ՆԱՏՕ-ի գագաթնաժողովում»,- ասել է Բլինքենը Վաշինգտոնում Իտալիայի արտգործնախարար Անտոնիո Տայանիի հետ հանդիպմանը:
Նա նշել է, որ այս շաբաթ Թուրքիայի, Շվեդիայի և ՆԱՏՕ-ի ներկայացուցիչների մասնակցությամբ Ստոկհոլմին դաշինքին միանալու հարցով կկայանա ևս մեկ հանդիպում:
