Հունգարիայում ՀՀ դեսպանը հանդօպել է ԱԳՆ պաշտոնյային

Հունգարիայում ՀՀ դեսպանության էջը տեղեկացնում է. «Հունիսի 12-ին Հունգարիայում ՀՀ դեսպան Աշոտ Սմբատյանը հանդիպում ունեցավ Հունգարիայի արտաքին գործերի և առևտրի նախարարության Արևելյան Եվրոպայի դեպարտամենտի ղեկավար Քրիստինա Մարֆիի հետ։ Ք.Մարֆին շնորհավորեց ՀՀ դեսպանին պաշտոնի ստանձնման կապակցությամբ և հաջողություն մաղթեց իր աշխատանքի մեջ։

Կողմերն անդրադարձան երկու երկրների միջև տարբեր ոլորտներում համագործակցության զարգացման հնարավորություններին, ընդգծեցին Հայաստանի և Հունգարիայի միջև քաղաքական երկխոսության ակտիվացման և իրավապայմանագրային դաշտի ընդլայնման կարևորությունը»։