Սեպտեմբերի 17-ին՝ ժամը 11:00-ին, Sputnik Արմենիա մուլտիմեդիոն կենտրոնում կկայանա մամուլի ասուլիս` «Դարի Ղողանջ» բարեգործական հիմնադրամի տնօրեն և «105 ռոյալ» նախագծի հեղինակ Արթուր Հովհաննիսյանի, Երևանի պետական կոնսերվատորիայի դաշնամուրային ֆակուլտետի դեկան, միջազգային մրցանակների դափնեկիր Իրինա Հակոբյանի և «Դյուցազների ասոցիացիայի» նախագահ, սպորտի վաստակավոր գործիչ Վարդան Թովմասյանի մասնակցությամբ ։
Հեղինակը կներկայացնի Հայոց ցեղասպանության 105-րդ տարելիցին ընդառաջ մտահղացված այս նախաձեռնությունը, որով նախատեսում է 2020 թվականի Ապրիլի 24-ին Ծիծեռնակաբերդի հուշահամալիրում 105 ռոյալներով, դաշնակահարների բազմազգ խմբով, որի մեջ կլինեն երաժիշտներ Հայաստանից , ինչպես նաև Հայոց ցեղասպանությունը ճանաչած պետություններից և ԱՄՆ նահանգներից, կատարել Կոմիտասի, ապա նաև հայ կոմպոզիտորների ստեղծագործություններ՝ հարգանքի տուրք մատուցելով Մեծ եղեռնի զոհերի հիշատակին:
