«Հաշվի առնելով, որ պետական խորհրդանիշների օրն է, ուզում եմ անդրադառնալ մեր օրհներգին»,- հայտարարել է ՀՀ վարչապետ Նիկոլ Փաշինյանը՝ 2022թ. պետական բյուջեի կատարողականի քննարկումների ժամանակ։
Նրա խոսքով՝ տարբեր մարդիկ են իրեն դիմում, ինքն էլ է դա զգում, որ այսօր մեր հիմնի պաշտոնական բառերն ավարտվում են զոհվելով։
«Գաղափարախոսությունը ճիշտ է, տեքստի հետ խնդիր չունենք, բայց ավարտվում է զոհվելու տողով և զոհվելու տեսարանով։ Զուտ էսթետիկական, բանաստեղծական առումով գուցե հեշտ չէ այն իրականացնելը»,- ասաց վարչապետը։
Նրա կարծիքով՝ քաղաքական առումով շատ ճիշտ կլինի, որ օրհներգն ավարտվի հետևյալ տողերով․
«Նայիր նրան երեք գույնով,
Նվիրական մեկ նշան,
Թող փողփողի թշնամու դեմ,
Թող միշտ պանծա Հայաստան»:
