Ռոման Աբրամովիչը հրաժարվում է հրաման ստորագրել՝ բրիտանական «Չելսի» ֆուտբոլային ակումբի վաճառքից Ուկրաինային գումար փոխանցելու մասին, հայտնում է Daily Mail-ը՝ վկայակոչելով բրիտանական ԱԳՆ-ի աղբյուրները։ Նա պնդում է, որ այդ գումարները պետք է ստանան հակամարտության երկու կողմերից տուժածները, այդ թվում՝ ռուսները։ Խոսքը 2,3 միլիարդ ֆունտ ստերլինգ գումարի մասին է։
Աբրամովիչի բարեգործական հիմնադրամին մոտ կանգնած թերթի աղբյուրն ասել է. «Մենք հույս ունեինք, որ գումարը կփոխանցվի անցյալ ամառ, հետո հույս ունեինք՝ հունվարին: Այժմ մենք հուսով ենք, որ գումարները կսկսեն փոխանցվել Ուկրաինա՝ մինչև տարեվերջ, բայց այս պահին երաշխիք չկա, որ դա տեղի կունենա»։
