Վլադիմիր Պուտինի գործողություններն արագացրել են կայսերական Ռուսաստանի մահը․ սա պատմական գործընթաց է, որն անխուսափելի է։ Այս մասին РБК-Украина-ին տված հարցազրույցում ասել է Ուկրաինայի նախագահի աշխատակազմի ղեկավարի խորհրդական Միխայիլ Պոդոլյակը։
«Մի շարք էթնիկ շրջաններ կարող են անջատվել. սա մի բան է, որը չի իրականացվել 1991 թվականին»,- ասել է նա։
Նրա խոսքերով՝ սա անկման հարց չէ, «Ռուսաստանի վերափոխման հարց է, որը պետք է լինի շատ ավելի պարփակ երկիր, շատ ավելի փոքր համաշխարհային դիրք գրավի»։
«Կլինի բոլորովին այլ մակարդակի երկիր, այն այլևս չի լինի G8-ում, G20-ում, դժվար թե լինի ՄԱԿ-ի Անվտանգության խորհրդում, թեև միջուկային երկիր է։ Հավանաբար կլինեն այլ գործիքակազմ»,- կարծիք է հայտնել Պոդոլյակը։
Ռուսաստանի Դաշնությունը բաղկացած է 83 սուբյեկտից, որոնցից 21-ը հանրապետություններ են։ Ընդհանուր առմամբ հանրապետությունները զբաղեցնում են Ռուսաստանի տարածքի 28,6%-ը, դրանցում բնակվում է բնակչության 16,9%-ը։
