Հաջորդ շաբաթ նախատեսված են հայ-ադրբեջանական բանակցություններ։ Այս մասին ԵԽԽՎ ամառային նստաշրջանի ժամանակ հայտարարել է Ադրբեջանի իշխող ուժի ներկայացուցիչ Սամադ Սեիդովը՝ չհաստակեցնելով տեղն ու ձևաչափը ու չնշելով մանրամասներ:
«Հաջորդ շաբաթ տեղի կունենա բանակցությունների հերթական փուլը»,- ասել է Սեիդովն ու հայտարարել, թե հայ պատգամավորների բարձրացրած հարցերը չեն համապատասխանում իրականությանը, իբր Հայաստանը գնում է «սխալ ճանապարհ»-ով:
ԵԽԽվ-ում նա ամբողջությամբ հերքել է Արցախի՝ ակնհայտ շրջափակման փաստը. «Ոչ մի շրջափակում չկա, այսպես կոչված ցեղասպանությունը լրիվ դուրս է օրակարգից, Լաչինի միջանցքի փակումը լրիվ թյուր կարծիք է, սադրանքներ Հայաստանից, ոչ թե Ադրբեջանից, ռազմական սադրանքներ, ցավոք, մենք տեսնում ենք»,- ասել է ԵԽԽՎ-ում ադրբեջանական պատվիրակության ղեկավարը՝ կոչ անելով հայկական կողմին «նստել և ուղիղ երկխոսություն սկսել Բաքվի հետ ապագայի հարցերի շուրջ»։
