2020թ․ պատերազմը քննող հանձնաժողով կհրավիրվի նաև ԼՂ նախագահ Արայիկ Հարությունյանը. այս մասին լրագրողների հետ ճեպազրույցում տեղեկացրել է հանձնաժողովի նախագահ Անդրանիկ Քոչարյանը։
«Պարոն Փաշինյանից հետո էլի կարևոր պաշտոնյաներ պետք է գան։ Արցախի նախագահին ենք պատրաստվում հրավիրել։ Պաշտպանության բանակի հրամանատարին հրավիրել ենք, պարզապես տեղերն ենք փոխելԼ Կուզեի, որ Ջալալ Հարությունյանը գար մի քիչ ավելի ուշ»,- ասել է Քոչարյանը։
Ինչ վերաբերում է Հայաստանի պաշտպանության նախկին նախարար Դավիթ Տոնոյանին, ըստ Քոչարյանի, նա առաջարկել է քննիչ հանձնաժողովը դարձնել տեսակետների բախման վայր. «Պարոն Տոնոյանին երկու անգամ առաջարկել եմ իր ցանկացած ձևաչափով հանդիպում․ մենք գնանք իր մոտ, ինքը գա այստեղ։ Տոնոյանը ընդամենը ասում էր՝ գամ, ուղիղ եթերով բանավիճեմ Փաշինյանի հետ։ Սա քննիչ հանձնաժողով է, շոուի հարթակ չի»։
