Մեսսին իր առաջին հանդիպումը «Ինտեր Մայամիում» կազմում կանցկացնի հուլիսի 22-ին, հայտնում ESPN-ն։
Արգենտինացին իր նորամուտը կնշի Լիգայի գավաթի խաղարկությունում, որտեղ մասնակցում են Մեքսիկայի առաջնության և MLS-ի թիմերը։ Խաղը կկայանա «Կրուս Ազուլի» դեմ։
Հիշեցնենք, որ Լիոնել Մեսսին «Ինտեր Մայամի» է տեղափոխվել ՊՍԺ-ից։ ՊՍԺ-ում արգենտինացին դարձել է Ֆրանսիայի կրկնակի չեմպիոն, մեկ անգամ նվաճել երկրի Սուպերգավաթը։ Ֆրանսիական թիմի կազմում Լեոն անցկացրել է 74 հանդիպում և երկու մրցաշրջանում խփել է 32 գոլ։
